Հարգելի Hripsime,այո նման վիրահատություն Հայաստանում կատարվում է: Հնարավոր է վիրահատության կարիք ընդհանրապես էլ չլինի: Այժմ անհանգստանալու պատճառ չունեք:

Հարգելի Hripsime,օվալաձև անցքը գտնվում է միջնախասրտային միջնապատի վրա,այն ներարգանդային կյանքի ընթացքում ապահովում է կապը արյան մեծ և փոքր շրջանառությունների միջև,քանի որ դեռ թոքերը չեն մասնակցում շնչառությանը:Երեխայի ծնվելուց հետո այն փակվում է երեխայի կյանքի առաջին 1-1.5 տարիների ընթացքում:Անհանգստանալու կարիք այժմ չկա:Խորհուրդ է տրվում դինամիկ հսկողություն:Եթե մինչև նշված ժամկետները այն ինքնուրույն չի փակվում,ապա կախված դրա չափերից և առկա կլինիկական դրսևորումներից որոշվում է հետագա բուժման պլանը:Մեծ չափի օվալ անցքի դեպքում,որը ունի կլինկիկական դրսևորումներ,հնարավոր է լինի վիրահատության կարիք:Մեծ մասամբ անցքը ինքնուրույն փակվում է և վիրահատության կարիք չի լինում, բաց օվալ անցքը չի խանգարում երեխայի նորմալ աճին և  զարգացմանը:

Հարգելի Hripsime և Դիաննա, բարև ձեզ, ծրագրային փոփոխությունների պատճառով հաղորդագրություններին հետևելը ժամանակավորապես անհնար էր դարձել, որի համար հայցում ենք ձեր ներողամտությունը: Եթե խնդիրը մնում է հրատապ, խնդրում ենք գրել մեզ և մենք կպատասխանենք այս պահից սկսած:

Հարգելի  Alina, միջփորոքային միջնապատի դեֆեկտը ներարգանդային զարգացման արատ է և կախված, թե դեֆեկտը  միջնապատի որ հատվածում է, այն կարող է ինքնուրույն փակվել կամ լինել վիրահատության կարիք:,Եթե դեֆեկտը միջնապատի մկանային հատվածում է,,ապա այն ժամանակի ընթացում փակվում է և խնդիրներ չի առաջացնում:,Եթե դեֆեկտը շարակցահյուսվածքային հատվածում է,,ապա կարող է առաջանալ վիրահատության կարիք,կապված դեֆեկտի չափերից: Ամեն դեպքում անհրաժեշտ է անընդհատ հսկողություն:

Հարգելի Նունե, կյանքին անմիջական վտանգ չի սպառնում:

Հարգելի Նաիրա, հարկ է ճշտել նշված դեֆեկտը միջնախասրտային, թե՝ միջփորոքային միջնապատի վրա է, այնուհետև պատի որ հատվածում է` մկանային, թե՝ շարակցահյուսվածքային: Եթե դեֆեկտը մկանային հատվածում է, ապա ժամանակի ընթացքում կարող է փակվել: Եթե այն շարակցահյուսվածքային հատվածում է, անհրաժեշտ է վիրահատություն: Շնչական անբավարություն առաջանում է սրտանոթային և շնչական համակարգի ամենատարբեր ախտաբանությունների ժամանակ և միայն լիակատար հետազոտություններից հետո կարելի է գտնել բուն պատճառը կամ որոշել՝ վիրահատական միջամտությունն արհրաժեշտ է, թե՝ ոչ: Ճիշտ հետազոտություն և բուժում կազմակերպելու դեպքում կարող ենք հասնել արդյունավետության:

Հարգելի  LUIZA,  հարկ է ճշտել նշված դեֆեկտը միջնախասրտային, թե՝ միջփորոքային միջնապատի վրա է, այնուհետև պատի որ հատվածում է` մկանային, թե՝ շարակցահյուսվածքային: Եթե դեֆեկտը մկանային հատվածում է, ապա ժամանակի ընթացքում կարող է փակվել: Եթե այն շարակցահյուսվածքային հատվածում է, անհրաժեշտ է վիրահատություն: Կարծում ենք, եթե  Ձեր բժիշկը հետազոտությունների արդյունքում առաջարկել է վիրահատություն, ապա հավանաբար այն չի փակվի: Հարկ է դիմել նորից բժշկի: Առողջություն Ձեր փոքրիկին:

Հարգելի Նունե, այդ արատը համաշխարհային առաջատար կլինիկաներում վիրահատական կոռեկցիայի ենթարկում են: Դա կոչվում է միջնապատի պլաստիկա: Երբեմն գրականության մեջ հանդիպում են տվյալներ, որոնք վկայում են միջնապատի ինքնաբուխ հաստացման մասին, որի շնորհիվ վիրաբուժական միջամտության կարիք չի եղել:

Հարգելի ARAQSYA, դա բնածին արատ է: Այն որպես կանոն միջնախասրտային միջնապատի դեֆեկտ է: Այստեղ հարկավոր է պարզել, թե արյան հոսքի պարագայում շունտը որ ուղղությամբ է: Կան դեպքեր, երբ միջնապատի դեֆեկտը ինքնուրույն փակվում է: Հարկավոր է դիմել մասնագետի, պարզելու անցքի տեղակայումը, որն այս պարագայում որոշիչ է:

Բարև Ձեզ Գայանե,  երբեմն լինում են դեպքեր, երբ երեխայի աճին զուգընթաց միջնապատային արատները սկսում են կարգավորվել: Նախևառաջ հարկավոր է պարզել, թե միջփորոքային միջնապատի Ձեր նշած դեֆեկտի դեքում արյան շունտն ինչ ուղղություն ունի և հետո միայն որոշում կայացնել վիրահատության մասին:    

Հարգելի Մերի, բարև Ձեզ, արյան շրջանառության հակառակ ընթացքը հասկանալի չէր ինչ նկատի ունեք, բայց ուղիղի մաստով նման բան չի կարող տեղի ունենալ, եթե հաշվի չառնենք, որ սրտի որոշ արատների դեպքում արյան հետհոսք է տեղի ունենում: Կարծում ենք նման հաճախակի գանգատների պայմաններում հարկ է դիմել սրտաբանի խորհրդատվության, որպեսզի լուրջ խնդիր լինելու դեպքում այն հայտնաբերվի ....